Култ на личноста

Политичарите се менаџери што сме ги избрале да ја раководат државата во определен временски период. Ги избираме врз основа на програмата за работа што ја нудат.
Ги заменуваме старите политичари со нови кога прокламираната програма не се исполнува и животот на граѓаните, земен во целина, не се менува на подобро.
Култ на личноста се создава околу личност или политички лидер кога народните маси се заслепени, залажани и индоктринирани дека не постои друг лидер или друга политичка опција која ќе им понуди просперитет.

http://www.taratur.com/node/9264

Култот на личноста е присутен и во двете најголеми македонски политички партии.

Во ситуација кога владее култот на личноста страдаат идеите, страда развојот, страда квалитетот. Сето ова како последица од тоа што критериумите се изместени, вредностите не се ценат и не се искористуваат оптимално во корист на општеството, не постои единство на спротивставностите и борба на идеи, туку, идеите, целите и стратегиите се диктирани од партиските врхушки.

Со други зборови: нефункционално, непродуктивно општество.

Нормално: „Ненормална држава“

http://novamakedonija.com.mk/DetalNewsInstant.asp?vestInstant=9961

"Во нормална држава, ваков сојуз не е направен, затоа што никогаш немало потреба."

А со чие залагање дојде државата да ни е толку "ненормална"?
Зарем Црвенковски не е основоположник на тоа што денеска го гледаме?

СДСМ одбра погрешна стратегија тогаш кога неможеа да изнедрат нова харизматична личност од своите редови. Наместо тоа, му чуваа лидерско место на Црвенковски.

Сега, овие опозиционери ја прават истата  грешка.
Па зарем немате свои партии, програми, цели, задачи, идеали...???
Па зарем немате верба во своите идеи, во своето членство и поддржувачи?
Па зарем сега, кога има незадоволство од актуелната власт а во исто време сеуште е силна одбивноста спрема Црвенковски, не е времето да се дефинира нова политичка сила, нова опозиција, без багаж, со нови идеи и чист образ?

Или преовладува малодушноста и интересот?
Да, па неможе толку време да се биде во опозиција.
Мора да се зграпчи власта на било кој начин, мора да му се обезбеди вработување на членството.
„Доста тие беа блиску до парите, сега нам ни е редот!“

Другарчиња мои, мои луди харизматични другарчиња, што му правите на народот? На простиот народ?
21 година стагнација, поделби во кланови по партиска и национална база.
А „что“ и правите на државата и на државноста, вака , кога нема „нормален“ политички, судски и економски систем?
СИТЕ ВИЕ, другарчиња мои, што раководевте со Македонија во овие 21 година, сте одговорни за бесперспективноста и за негативностите.

Чаре?
Нови деца, нови луѓе, нови мажи.