За златарот Груевски

Вчера гледав една од македонските народни приказни, проста на прв поглед, сепак од неа извлеков поуки за сегашната општествено - политичка состојба во Македонија, па ги споделувам со вас.

Приказната беше за некоја сиромашна жена која била излажана од златарот кој наместо сребрена ѝ направил тенекиена белезгија за свадбата на ќерка ѝ. Излажана и ограбена од златарот жената не отишла кај кадијата, затоа што, најверојатно, немала доверба во него; туку смислила план со кој ќе му се одмазди на златарот. По подолго време, кога златарот веќе ја заборавил таа отишла кај него и се претставила како жена на познатиот еким, со што ја стекнала неговата доверба, па, со ветување дека нејзиниот маж, екимот ќе плати, го наговорила да ѝ даде цела торба златни украси.

И каква поврзаност има приказнава со сегашната општествено - политичка состојба во Македонија? - ќе се запраша читателот на овој текст.

Па еве ја мојата споредба: некој лаже и краде.

Отсекогаш имало некој што ги нарушува прифатените од општеството правила (самите правила се појавиле со развојот на интелектот кај луѓето и добиле пишана форма во 10те Божји заповеди дадени на Мојсеј) за тоа што е дозволено а што не е дозволено. Затоа човечката цивилизација го достигнало спознанието за правото и врз него се градат хуманите општества.

Е така.

А сега, во Македонија, обвинет дека лаже и краде е Премиерот Никола Груевски. Тој се обвинува дека, покрај останатото, го украл и правосудството (со поставување на вечно благодарни судии) и вистината (со купување на новинарите од типот на Латас, и нивните медиуми); со тоа тој си ја присвоил државата (која според уставот би требало да им припаѓа на сите граѓани).

Во таквата, присвоена од Груевски, држава, нема доверба во судството; исто како што и жената од приказната не му верувала на кадијата. Таа на криминалот што го направил златарот одговорила со свој криминал; исто како што опозицијата на криминалот на Груевски одговара со незаконски добавени снимки.

Сега, во приказната симпатиите на гледачот / читателот се на страна на жената, затоа што „лошиот„ златар ја излажал. Но, потврда за лагата и кражбата на златарот добиваме од него самиот, тој признава и сам се инкриминира. За разлика од него Груевски не признава никаква вина, туку и самиот враќа на обвинение со обвинение.

Апсурдистан (повторно)

Ова би било смешно доколку би го прочитал на некој портал за паравести. Ама на сајтот на МВР? Апсурд и глупост.

„Почитувани граѓани,
Апликацијата „Пријави сомнително лице“ е наменета за пријавување какво било сознание или информација/и за лице кое подготвува, извршува или има извршено кривично дело или други безбедносни појави и настани.
Секое лажно пријавување е санкционирано со Кривичниот закон на РМ - како кривично дело„

Ем направиле апликација за пријавување „сомнителни лица„ -што претпоставува субјективен личен суд за тоа колку е некој сомнителен, ем ти се закануваат со кривично гонење за лажно пријавување.

Болест на здравиот разум.

http://somnitelnolice.mvr.gov.mk/

Дејствија - бездејствија

Во наши услови и при наш менталитет не може да се очекува реакција на будење на свеста и совеста кај индивидуа која има корист од системот, затоа што кај тие индивидуи свеста и совеста се видоизменети, и така видоизменети ѝ служат на индивидуата да ги оправдува своите дејствија - бездејствија.

Грујоматика

Грујоматика - математиката на Грујо е запоставена научна област. Нејзините механизми на дејствување се чувствуваат при човековото извитоперено сфаќање на општеството, законитостите во него, државата и нацијата како медиуми за доаѓање и по секоја цена останување на власт заради материјален интерес на група високоинтелигентни но нискоморални суштества кои за себе тврдат дека се луѓе и дека тоа што го прават е во интерес на сите граѓани на Република Македонија.

Тука (за некој ден) ќе ги разгледаме грујоматичките операции со кои грујогрупата планира да си обезбеди мнозинство на следните избори.

Латекс и други кондоми

Ако под лупа ги земеме партиските вработувања, тоест вдомување на заслужните пред партијата кадри во државните и локалните институции под нејзини ингеренции, на постоечки или измислени позиции; ќе видиме дека станува збор за класично, фаустовско, купување на веќе нискоморални индивидуи кои не веруваат дека самите се господари на својот успех. Таквите луѓе лесно се откажуваат и од тие малку скрупули што ги имаат, го насочуваат здравиот разум во егоистички мод и си ја дават совеста во самозалажувањето дека им е загрозена егзистенцијата. После тоа тие слободно газат по лешеви претставувајќи си дека газат по шеќерни облаци и не се освестуваат сè додека ѓаволот не дојде по ветеното. Дури и тогаш кога ќе осознаат дека газеле врз нечии судбини, кај нив не се раѓа покајување туку желба да го релативизираат својот грев, па после обезличувањето на гневот насочен спрема нив, тие се способни повторно да го прават истото ако им се даде шанса.

https://mk.wikipedia.org/wiki/%D0%A4%D0%B0%D1%83%D1%81%D1%82

Горекажаново важи и за Латекс, но во неговиот случај е уште полошо, затоа што колку е поинтелигентна индивидуата - толку е поголема нејзината одговорност во општеството.

Партискиот човек

Му најдоа работа, му дадоа плата,

му дадоа клуч, и за нишање - врата.

Партискиот човек си стави и машна,

во раката зеде и мини акт-ташна.

Ни принцип, ни совест не познава тој.

Но знае за кого е; и кој му е свој.

Тој не мисли многу, тој не чита книги.

Тој не троши време со кого ќе стигне.

Разговорот негов во место се лее:

- Кој не е со нас, тој против нас ќе е!

Тој оди на митинг со знамето в рака.

Тој знае да вика - го учеа така.

И не е тој сам, зошто такви ко него,

ги има ко мравки - ко црви во легло.

  

Го скандираат сложно

на слогови разложено

светото име на лидерот свој.

Тој што ги вработи. Тој! Ами кој? 

http://constant0in.blogspot.com/2013/07/blog-post.html

Тешка ДПМНовечка дилема

Николчо Груевски уште еднаш потврди дека не ја сфаќа сушината на демократијата и се обидува да ја пласира повторно тезата (читај: финтата) што ја примени на изборите, па бараше „сигурно мнозинство„ за да формира „стабилна влада„. Тогаш тој ги плашеше Македонците со Албанците а Алија го правеше обратното за по избори повторно да му се вратат на своето криминално аморално здружување. Сега Грујо Патко бара 17 пратеници провизија за да може да ја приватизира државата до крај. Замислете си што ќе си дозволи тој монструм кога ќе има мнозинство од повеќе од 17 пратеници во парламентот кога гледате што и прави на македонската демократија со симболична предност пратеници. Замислете го Грујо како Тито, па да владее додека не цркне. А што е најважно замислете ги таквите избори што ќе значат се или ништо, каква ли само битка на уништување ќе биде тоа?

http://fokus.mk/gruevski-predlaga-plus-17-pratenitsi-za-izborniot-pobednik/

Поглупа работа не сум слушнал. А кажаното не е случајно кажано, тоа не му текнало на Грујо во моментот затоа што Грујо е глуп. Не. Грујо не е глуп. Грујо е многу итар. И Грујо не мисли сам - над таа работа размислувале во неговиот кабинет и решиле дека кај нивниот електорат оваа „идеја„ ќе наиде на одобрување.

Значи драги ДПМНовски оФци, одбирајте кое размислување ви е поприфатливо:

1. Вашите лидери ги понижуваат вашите интелектуални способности и ве сметаат за ограничени, прости и лесни за манипулација;

2. Вие навистина сте ограничени, прости и лесни за манипулација.

Пријатели! Не ми се лутете мене (освен можеби за тоа што ве викам: оФФФци!), јас само ви ги разјаснувам работите.

Моја Македонија

Тоа што го пишувам - тоа и го мислам; и имам право и на едното и на другото. Никому не му го наметнувам моето мислење и никому не му тврдам дека тоа е единствената можна вистина. Сакам да живеам во едно демократско општество во кое секое поинакво мислење ќе се смета за позитивен придонес кон неговоит развој а не како напад врз еднаш засекогаш дадените правци за негов развиток.

Струмичкио Николае Груеску - Ајде Заев, оди си 2

Ја така: И Здравко ќе га граде црквата, и он префрле по едно евро од квадрат на Виицто.. и тва... Как ја ќе кажум така ќе биде! Оти ја сум струмичкио Николае Груеску

Ајде Заев, оди си!

Така е. Оди си Заев, сега е моментот да и дадеш нова сила на опозициската борба за рушење на режимот на Груевски. Оди си, за да ја ослободиш таа борба од сомнежите за твојата евентуална компромитираност за земање мито за што си обвинет http://b-n-z-r.blogspot.com/2015/05/blog-post_14.html и за аболицијата за „Глобал„ која ти остави дамка врз кредибилитетеот.

Оди си за да не може манипулативната машина на Груевски да ги користи повторно и повторно политичките грешки што ги имаш направено, а никогаш не си се извинил за нив. Дали некогаш се извини за глупостите со „јадење живи луѓе„ што ги кажуваше? https://www.youtube.com/watch?v=zkllQcVvo18

Заев, оди си и покажи дека битката што ја води целата опозиција и сиот цивилен сектор е борба за демократија и борба за достигнување и воспоставување на поправедно општество во кое ќе се ценат индивидуалните вредности и способности на секоја индивидуа; а не борба за симнување на една политичка номенклатура и нејзина замена со друга ништо поинаква од претходната. http://produktinaumot.blogspot.com/2014/02/blog-post_5.html

Нема ли во СДСМ луѓе со чисти биографии кои ќе го продолжат борбата против диктатурата на Груевски со уште поголема жештина? Замислете колку ќе треба да се пренасочуваат сите манипулативно пропагандистички инструменти на ДПМНЕ и колку проѕирно ќе изгледа нивната одбрана на криминалите направени од страна на нивните наредбодавци со насочувањето спрема личноста на новиот лидер на опозицијата.
Оди си Заев, не ја држи во заложништво целата опозиција. Сите ние сакаме и можеме повеќе - ние можеме да создадеме демократско општество.

Ти благодариме за покажаната храброст во досегашната борба против компромитираниот систем кој го изгради монструмот Груевски, но време е некој друг да ја преземе борбата. Ако таква иницијатива не покаже СДСМ, тогаш таа партија ќе ја изгуби позицијата на обединувач на опозицијата и на граѓанскиот сектор, па борбата против режимот на Груевски ќе треба да биде реорганизирана и ќе продолжи под водство на други политички играчи, можеби досега неекспонирани во јавноста.
Оди си, Заев!

Манипуwатор

Кој манипулатор и лажго... човече... кој срам за сите нас што сме дозволиле ова нешто да ни се случува.
Уште на 18 мај засипнато кwакаше: - Нема поwекување!
Мандатот го добивме од наwодот!
А сега прифаќањето на предвремени избори го претставива како успех.
Излегува дека го погодија петардите.
А замислете да ги немаше доказите што ги слушнавме во „бомбите„ - па овој лажго ќе го лажеше народот уште долго.
А замислете ако влијанието на овој лажго е сè уште големо меѓу луѓето што зависат од него (ветувања, вработувања, казни), па со притисоци, уцени и манипулации ги добие и наредните избори? Па овој човек ќе ни ја одземе татковината.
Ќе мораме да се исселиме од Македонија затоа што е создадена држава на неправедност, затоа што никој од нас нема сопствена вредност ако не и припаѓа на владејачката партија.

https://www.youtube.com/watch?t=37&v=g2A9R0xzehE

Дива македонштина

Искрената љубов кон било кого и кон било што не е потреба, туку е безусловно и префинето чувство. А кога љубовта се сведува на дива потреба тогаш веќе не станува збор за љубов, туку импулс, за инстинкт и лукративна потреба. Таквата „љубов„ служи за самозалажување или за фрлање во туѓи очи, за да се оправда сопствениот недостаток на етичка градба. Тој што така си ја сака Македонија - си ја сака насилно и посесивно, само за себе, за да ја цеди и за да ја молзе. Е таквата љубов може да се градира, во зависност од тоа какви материјални придобивки веќе донела некому или какви придобивки тој некој се надева дека ќе ги добие од таквата „љубов„. 

Ако македонштината ја објаснуваме како љубов кон Македонија, тогаш дивата и изнасилена македонштина е дива, насилна, наметлива и посесивна љубов кон Македонија. 

Љубовта кон Македонија, како и секоја друга љубов, е интимна работа, со неа не би требало да се мавта пред очите на другите, таа не би требало да се користи за засрамување на другите или за нивно прогласување за предавници. Никој нема правото на присвојување на љубовта кон Македонија и нема монопол на дефинирање на тоа како таа љубов треба да изгледа. 

Затоа „дивата македонштина„ ми е одбојна, дури и страшна, затоа што ми наметнува како треба да си ја сакам Македонија, што е моја – лична работа. А самиот поим „Македонија„ нè опфаќа сите: и „такви„ и „вакви„; и нас што живееме тука сега и генерациите што живееле тука пред нас.

Не е сè толку едноставно - ако си ја сакаме својата единствена држава, тогаш би требало да ги почитуваме и тие „чеда„ што ја сакаат Македонија поинаку.

Купи Грујо - купи стан

Мислевме дека проектот бил: „Купи Грујо - купи стан„. А имало и други проекти „Купи Горде - купи станови„, „Купи Ставре - купи станови„ и уште кој знае колку проекти.
Си остварувале луѓето.

Учиме демократија... и Христијанство

https://vid.me/sIB9

Тоа како работи Политико е добро за демократијата во Македонија. Тоа е изместување на состојбите од мртва точка; и во новинарството, и во начинот на владеење и во вкупниот демократски систем. Во нормална демократија секој човек има максимална слобода, и таа слобода се простира далеку и широко, но не ја покрива слободата на некој друг човек.

Тоа што Политико поставува провокативни прашања е негов професионален стил. Ако некој се смета навреден од таа провокативност, тој, и само тој, може да бара сатисфакција во рамките на Уставот и законите, во судска постапка. Ништо не може да оправда физички напад и обид за убиство на човек поради нешто што човекот го кажал или го напишал (а морам да признам дека напишаното му е многу попровокативно и навистина навредливо; но и тоа е стил).

Сево ова го кажувам од легалистичка и етичка гледна точка. Во иста насока ми одат мислите и кога ги опсервирам наведените нешта од гледна точка на Христијанската духовност и филозофија на живеењето; истите проповедаат љубов и простување наспроти насилство.

Најдолгиот работен ден

Во понеделник наутро, на 18 мај 2015 година, вработените во комуналното претпријатие „Комуналец„ од Гевгелија отидоа редовно на работа, во 5 часот, и работеа до 13 часот. По краткот престој дома, во 15 часот, мораа да бидат во возот за Скопје за да присуствуваат на контрапротестот организиран од партијата ВМРО ДПМНЕ. Во 20 часот почна контрапротестот на кој Никола Груевски 2-3 часа ги пресираше со лажен патриотизам за да продолжат слепо да му се покоруваат, за да може да го прикрие криминалот што го има направено заедно со неговата банда. Контрапротестот заврши околу 23 часот. Во 24 часот имаше воз од Скопје за Гевгелија. Во вторник, на 19 мај 2015 година, во 3 часот по полноќ, луѓето беа дома. Во 5 часот имаа обврска да се јават на работното место и да бидат на работа до 13 часот.

Работниот ден им траеше 32 часа.

Имаат ли тие луѓе права?

Кој ќе ги брани тие уплашени и уценети и потценети луѓе?

Очигледно е дека тие не можат сами да се организираат и да си ги бараат правата што им ги штитат законите и Уставот.

Ќе ги застапува ли некој?

И стар и будала

Отсекогаш сум мислел дека староста подразбира мудрост, разбирање на животот длабински, разбирање на неговата смисла и цел. Овој стар човек ја срами својата седа коса. Ајде што на градите го истетовирал Сашо Мијалков, тоа е негова работа, ама и ја покажува тетоважата во јавност, па очекува некакво признание и восхитеност. На крајот остана со прстот в уста.
И стар и будала.

https://www.youtube.com/watch?t=92&v=i2MFQUFCH2s

И срам, и жал

Мене не ми е срам, мене ми е жал што морам да живеам во држава на егоистични, поткупливи, плашливи, нискоморални плитки луѓе; луѓе кои се подготвени да жртвуваат сè за својот комодитет; а и во држава на расипани и криминални луѓе кои влијаат врз овие првите а од тоа влечат сопствена политичка и економска корист.

Нов шпил карти

Да учествуваш на избори организирани од ДПМНЕ е исто како да играш карти со некого кој ги има обележано и ги знае. Во тој случај нема рамноправно натпреварување. Играта може да се продолжи само со нов шпил карти.

 

Инаку, знаете ли како завршуваше мамењето на карти на дивиот американски запад? Сме гледале во филмови и сме читале во книги: Играта се прекинуваше, играчите срипуваа од своите столици, се превртуваше масата на која се играше и почнуваше разговорот на оружјето. Почнуваше хаосот.

Ист ваков епилог имаше и кога обвинувањето за мамење беше неосновано или тенденциозно - со намера да се предизвика противникот и за да се анулира неговата потенцијална предност во некое делење.

Како и во претходниот случај решението е: нов шпил карти.

 

 

И Зајко обвинет дека крадел мед

Вистината треба да се кажува и тогаш кога е непријатна и кога боли.
Тука

https://www.youtube.com/watch?t=16&v=5ptCYSaLFRI 
е видеото со кое ДПМНовечките медиуми и ДПМНовечката партија му инкриминираат на Зоран Заев барање поткуп. Секој што ќе го види ова видео ќе забележи дека тоа е прекинато на 2:25, токму таму каде што Заев кажува за распределба на парите; изгледа делот што е отсечен не одговарал на поривот за компромитирање на Заев.

Иако треба да имаме предвид дека според пресумпцијата за невиност никој не е виновен се до докажување на неговата вина во судска постапка; и дека барањето и добивањето поткуп не е исто (првото е за морална осуда, додека за второто се предвидени и законски санкции во Кривичниот законик), сепак, тоа што слушам во видеото фрла голема дамка врз Зоран Заев. Можеби ако се слушне целосната снимка впечатокот ќе ми биде поинаков. Но и во тој дел што даден во јавност слушнавме дека Заев одлучува дали неговиот соговорник ќе плати 438 или ќе плати 71 денар од квадратен метар земјиште. Зарем во законите и во правните акти нема критериум за тоа кој колку треба да плати? Какво е тоа дискреционо право кое му е дадено на Градоначалникот волунтаристички да одлучува?

Таквото дискреционо право нуди можност за уценување на купувачот (барателот, или како веќе и да го наречеме). Во случајов Заев бара едно евро за црквата и едно евро „на мене„ (тука снимката е прекината и не се слуша крајот на фразата).

Во секој случај - за да не пречи на поривот на македонскиот народ за катарза на општеството од корупцијата и криминалот и за ослободување на Македонија од диктатурата на Никола Груевски и неговата банда, Заев би требало да биде чесен пред народот и пред себе и без одовлекување да поднесе оставка од претседателското место во СДСМ, и на тој начин да даде пример како би требало да постапува морално изграден политичар при најмало сомнение фрлено врз него.

https://www.youtube.com/watch?t=16&v=5ptCYSaLFRI

Здрави мисли: Си ја сакам државата, си го сакам семејството, сакам поубава иднина за моето дете... - Благица Сековска

Во овој мој пост сакам да ѝ дадам место на една моја Фејсбук пријателка, која во својот пост го кажа тоа како се чувствува, и како се чувствуваат стотици илјади Македонци, во однос на моменталната политичка состојба во Македонија.

Благица Сековска: „Сакам да појаснам некои работи....Јас не сум против ВМРО!!!...Мојот прадедо бил комита, мои претци гинеле за Макединија, нивни имиња стојат и во Могилата на непобедените во Прилеп...нити пак сум за СДСМ кои еднаш претходно ги предадоа начелата за социјална правда и ги штитеа интересите на олигархијата, а не требаше, оти се декларираат како левица, а јас, да се разбереме, почитувам левица, но само ако е навистина левица, ако навистина се грижи за социјалната правда...Јас сум граѓанка на Македонија...си ја сакам државата, си го сакам семејството, сакам поубава иднина за моето дете...но не сакам власт која е нечесна, која мести тендери, мести судии и пресуди, креира јавно мислење преку нарачани вести и пропагадни пораки, купува судии, инвестира преку Белизе, спремна е за се само да постои, дури и на насилство,......власт поради власт,......Но врв на се е што таа е спремна дури и убиство да сокрие, ако така им одговара....БЉАК.....убиството на Мартин го криеле за да не им падне медиумската покриеност од хајката против Љубе, кој патем кажано, исто така, како што чувме во бомбите, е наместен....Некои во приказнава си зеле улога на Бог, па не влечат сите како пиони по шаховска табла во зависностѕ од своите себични потреби....Значи да појаснам уште еднаш...не ми е важно дали на власт ќе биде ВМРО или СДСМ или некој трет....важно ми е дали на власт ќе бидат чесни политичари кои работат за доброто на сите нас, ГРАЃАНИТЕ, и кои при тоа не почитуваат и уважуваат нас ГРАЃАНИТЕ....Во моментов не се чувствувам нити уважено, нити почитувано, нити безбедно, нити пак иднината си ја гледам со надеж за подобро.....затоа ‪#‎protestiram‬ ...............и најважно од се...противник сум на секаков вид на НАСИЛСТВО....нулта толеранција имам за истото....не постои позитивно и негативно насилство....секое насилство е лошо....толку од мене за денес....Имајте убав ден и се гледаме....„

„...секогаш сум гласала според сопствениот кодекс за правда и етичност....кога не сум гледала избор, воопшто не сум гласала...човек сум со високо ниво на граѓанска свест и така и реагирам, како граѓанка....така секој од нас во джавава ако реагираше немаше ни до тука да стигне држава...„

„...постапувам исклучиво во склад со мојот внатрешен глас и мојот кодекс за морал и правда„.

„...Искрено чувствував потреба да објаснам, оти преку глава ми е од етикетирање и биполарност...Државата не постои нити поради ВМРО нити поради СДСМ....Постои поради нас, граѓаните, и сите кои се на власт треба да не почитуваат„.

„...нашите претци крвареле за нас да ни биде подобро...Најмалку што може да сториме за нашите потомци е да не дозволиме ним да им биде полошо од колку нам...само кон прогрес, само кон подобро да гледаме и да се бориме...Јас ќе го бранам моето човечко и граѓанско достоинство...не прифајќам да бидам ничиј полтрон, само рамноправен и уважен партнер„.