македончето сака да се наметнува, да понижува и исмејува други Македонци, нему не му е целта да ја бара вистината, туку да докаже дека тој е во право. Затоа македончето е искомплексирано и не сака да ги препознае сопствените човечки слабости, иако ги гледа кај другите. Тоа е некој вид на итро, инаетливо, непродуктивно и некооперативно суштество кое најголемата штета си ја прави себеси, затоа што ги навредува и ги повредува луѓето околу себе, а е сервилно во однос на наметнатите авторитети.
Thursday, December 14, 2017
Saturday, December 2, 2017
Кривосудство
Во општ интерес ни е да имаме професионално и независно судство - тоа да не биде политички инструирано. За жал поради децениските политички интервенции судството не ни е такво. За да се иницира промена на таа ситуација сите, вклучително и судиите, треба да излеземе од партиските табори и да почнеме да размислуваме и дејствуваме независно, затоа што секој од нас си има сопствен интелект, достоинство, а и одговорност пред општеството.
(Не)правда
Правдата има меч во раката,не се радуваме што пресекла некого,туку на тоа што се разбудила, па почнала да го користи.
Tuesday, November 28, 2017
Партискоклановска поделеност на општеството
Државата има Устав, тој е темелот врз кој е изградена државата, таму се гаранциите за право и правда. Кај нас проблематично тоа што недостасуваат морално изградени личности кои би останале надвор од влијанијата на политиката и би ја спроведувале уставноста и законитоста. Значи ни недостасува човечки материјал. Затоа доаѓаме во ситуација на партискоклановска поделеност на општеството.
Thursday, October 19, 2017
Гласање и негласање (или барање совест кај луѓето што немаат совест)
Досега демократското општество не смислило посигурен начин на кој граѓаните ќе изберат кој, во определен период, ќе раководи него, отколку гласањето. Начинот на избор делува навистина смешно и подложен е на злоупотреба од страна на итри интелицентни луѓе:
* Политичкиот субјект вербално и преку пишана програма „ветува“ како ќе го води општеството;
* Граѓаните го избраат на однапред определен период, а немаат начин да го натераат политичкиот субјект да ги одржи „ветувањата“ и немаат начин како да му го одземат врачениот врз основа на ветувањата мандат;
* Политичкиот субјект, од позиција на политичка моќ, има можност да го корумпира општеството и да влијае врз неговите контролни механизми, какви што се јавното мислење и судството.
И покрај сета несовршеност на системот на избори, на нив треба да се гласа. Негласањето е последица на несакањето ментално да се посветиш на сложената одлука што треба да ја донесеш. Малодушноста е таа што му кажува на „малиот човек“ дека од него ништо не зависи, но со негласање може само да се одложи гласањето и не може да се очекува дека тоа ќе предизвика грижа на совест кај луѓето што немаат совест (повеќето политичари).
Wednesday, October 18, 2017
Политички предрасуди
Ниту СДСМ е наследник на КПЈ и КПМ, ниту ДПМНЕ е наследник на ВМРО,
време е да се ослободиме од предрасудите.
Дуална свест
Повеќето луѓе во Македонија имаат ниска свест за процесите што се случуваат во општеството, па ги толкуваат нештата преку сопствениот етички кодекс и преку базирана врз тој недоизграден механизам за спознание логика. Во нивната дуална свест нема место за нијанси, кај нив таа е строго поделена на бела и црна половина, тоест на работи кои ги ценат на добри или на лоши. Плус, повторно поради ниската свест луѓето ги сфаќаат процесите само како борба за превласт помеѓу авторитетите што ги предводат - затоа се толку подложни на создавање на култови на личности.
На луѓето треба да им се помогне да излезат од наметнатиот дуален систем на вредности. Тогаш ќе имаме свесни луѓе и ќе можеме да градиме демократски систем. Сега за сега имаме навивачи наместо свесни луѓе и лукративни кланови наместо политички партии.
Tuesday, September 26, 2017
Сѐ се менува
За градба на модерно демократско општество историјата е ирелевантна. Повикувајќи се на неа ниту еден граѓанин не може ниту да добие, ниту да загуби права и обврски кои се дефинирани во Уставот.
Смешно и глупо е тоа што некои луѓе сметаат дека нивната сегашна нација е непроменлива и влече директна наследна линија од некои древни народи и племиња.
Сѐ е променливо, сѐ се менува: навики, култури, јазици, сфаќања, генетики и припадности.
Thursday, August 3, 2017
За големите разлики помеѓу национализмот и националното чувство
Национално чувство е чувството на духовна припадност кон култура и изразува слобода на постоење на поединецот кој и самиот учествува во создавањето на културата.
За разлика од националното чувство национализмот е движење за хомогенизирање на нација за нејзино спротивставување на други нации, за стекнување материјални права над земја, држава, територија и го изразува заедничкото наспроти индивидуалното - на поединецот му се наметнува сет догми кои тој мора свето да ги почитува. За националистите секој кој не ги почитува зададени догми е хулник и предавник на нацијата.
Значи генералните разлики се во тоа дека национално чувство има духовна природа, а национализмот материјална; национално чувство е креативно и продуктивно, национализмот е фригиден и ограничувачки; национално чувство продуцира смиреност и љубов кон целата човечка цивилизација, а национализмот продуцира нетрпеливост и омраза.
Thursday, July 13, 2017
Чудесна Македонија и чудесни Македонци
Чудни се менталитетот и логиката на Македонецот.
Македонецот гордо се чука в гради и ја „брани“ својата „македонштина“, а не ја познава и не ја сака сопствената култура; тој не ја знае граматиката на сопствениот јазик, тој не го користи писмото на сопствениот јазик; тој не ги сака песните и стиховите испеани и прочитани на неговиот јазик, а крева раце и се чувствува задоволен и исполнет кога пее зборови на некој друг јазик, со кој исто така не владее толку добро, а мисли дека го знае одлично. Тој ги понижува и исмева сите што му се блиски, а ги велича тие што му се далечни и непознати. Тој ја „брани“ својата религија, а не ја знае. Тој мисли дека религијата „се брани“ со мразење на другите религии и на луѓето што ги практикуваат. Тој не троши време на спознавање на работите - тој знае сѐ пред време, а всушност не знае скоро ништо.
Чудесна е Македонија.
Чудесни се Македонците.
Wednesday, May 31, 2017
Потешкиот дел од работата
Значи, ни остана потешкиот дел од работата - да се ослободиме од предрасудите и да престанеме луѓето и нештата да ги сфаќаме црно - бело и кон нив да се однесуваме навивачки, па непотребно да се одушевуваме или да даваме дисквалификации и да делиме навреди.
Friday, May 26, 2017
Култ на личноста 4
Кога ќе престанеме да создаваме култови од луѓе;
кога ќе престанеме сервилно да им го извикуваме името разложено на слогови, како на фудбалски натпревар;
кога ќе се однесуваме критички кон сè и кон секого - е тогаш имаме шанса некогаш да стигнеме до организирано, демократско општество.
Еве што сум пишувал претходно на истава тема:
http://b-n-z-r.blogspot.in/search?q=култ
кога ќе престанеме сервилно да им го извикуваме името разложено на слогови, како на фудбалски натпревар;
кога ќе се однесуваме критички кон сè и кон секого - е тогаш имаме шанса некогаш да стигнеме до организирано, демократско општество.
http://b-n-z-r.blogspot.in/search?q=култ
Tuesday, May 23, 2017
Туткун кој што може да се плати 2
Цивилизацијата стигнала до тоа дека
докторите треба да се обврзаат да даваат неопходна помош (ова е многу битно да
се забележи затоа што има етички контекст) користејќи ја својата вештина, на
сите на кои им треба (Хипократова заклетва). За разлика од медицината, целта на
уметноста не е давање помош туку споделување мисли, чувства и сознанија, тоа се
пораки при кои техничката вештината на уметникот е само нивен носител (повторно
за разлика од медицината, каде техничката вештината е неопходност за давање на
помошта). Па ако уметноста е лишена од таквите споделени пораки тогаш таа се
сведува само на техника на користење на методите за предизвикување воздушни и електромагнетни вибрации.
За разлика од лекарската фела,
уметниците не потпишуваат никаква заклетва и не се обврзани да ја споделуваат
својата уметност со сите кои ќе им ја побараат, затоа уметникот има одговорност
за тоа каде и како ја споделува.
Оправдувањето дека уметникот е
професионалец кој заработува од својата уметност, па затоа тој, таа...тоа... треба
да ја споделува својата уметност со сите што ќе платат доволно е ниско и
неморално; и се коси со основната цел на уметноста - влијание врз општеството
преку споделување пораки, затоа што споделувањето е интерактивен процес при кој
уметникот е тој што е во центарот на вниманието, на сцената, ставен во улога да
проповеда и да ја кажува својата визија, својата „вистинска вистина“ за нештата
(општеството и корелациите на луѓето во него). Кога улогите се заменети и
импулсот за уметност тргнува од парите, односно од носителот на парите и на
општественото влијание, тогаш уметникот е испровоциран (уценет со парите) на
проституција. Секој уметник сам одлучува дали ќе го прифати тоа сопствено
проституирање.
Темава ме тангира и живо ме интересира, па еве што претходно сум пишувал за неа на блогов:
http://b-n-z-r.blogspot.in/search?q=уметници
Туткун... хахахха... добро зборче
Темава ме тангира и живо ме интересира, па еве што претходно сум пишувал за неа на блогов:
http://b-n-z-r.blogspot.in/search?q=уметници
Туткун... хахахха... добро зборче
Wednesday, April 19, 2017
Пилот - Лиле Поповска (Политички лупинзи 2) - За „зелена“ Македонија, де
Побарав издржан одговор на дилемите што ги имав пред повеќе од една година:
Ниту тогаш, ниту сега, никој не ми објасни како, и зошто, во нашето општество дозволуваме политички опортунисти да изведуваат лупинзи без да понесат одговорност за сопствените постапки.
Вечерва, по втор пат во животот се затекнав во иста просторија со госпоѓата Лилјана Поповска; и по втор пат го имам истото чувство:
Опортунизмот и недостатокот на морална одговорност од страна на „лидерите“; и конформизмот на луѓето што би требало да осознаваат и да ги критикуваат се причина за сегашната блокирана, узурпирана, недемократска, донесена на работ на пропаста држава.
Тема на вечерашниот собир
Опортунизмот и недостатокот на морална одговорност од страна на „лидерите“; и конформизмот на луѓето што би требало да осознаваат и да ги критикуваат се причина за сегашната блокирана, узурпирана, недемократска, донесена на работ на пропаста држава.
Тема на вечерашниот собир
беше претстојниот локален референдум во Општина Гевгелија за испитување на јавното мислење за, или против, отварање на рудници на Кожуф. Дозволата за доделување концесија (покрај десетиците други, ширум Македонија) за истражување на „металичните минерали“ ја потпишал Владимир Пешевски - Хипо, во 2013та година. Истата била публикувана во Службен весник на Република Македонија.
И поставив јавно прашање на госпоѓата Поповска, „лидер“ на партијата ДОМ (партија што се прогласи за „зелена“, демек се залага за зачувување на животната средина, за „зелени“ технологии, за развој на еколошко, органско земјоделство и за туризмот), за тоа дали чувствува одговорност за тоа што при потпишувањето на оваа концесија, партијата ДОМ, на госпоѓата Поповска, била коалициски партнер во Владата, која ја напушти дури во мај 2015 година.
Во одговор госпоѓата превртлива опортунистка се оправдуваше дека „не знаела“ за посочената одлука (иако беше во Владата) и дека ресорот кој таа го курирала - туризмот, постигнал во тој период значителни успеси; и дека со ресорот економија раководеле други кадри (иако ресорот туризам е сектор во рамките на Министерството за економија).
Опортунистите и конформистите го создадоа ова аморално македонско општество, затоа не можеме да очекуваме дека истите тие ќе го променат, по доживеано етичко просветлување, во моментот кога преминуваат од една владеачка коалиција во наредна.
А смешен ни беше кокаколата Амди - бајрамот. Лилето е иста таква кола - кола што сака секогаш да вози со власта. За „зелена“ Македонија, де.
Saturday, April 8, 2017
Итарпејовски менталитет
„Зошто сме на ова дереџе? Која ни е
генетската фалинка?
И после ќе нè водат како што нè водат, ќе имаме власт каква што имаме и ќе се чудиме што нè снашло, ама ни со мал прст нема да мрднеме за да го промениме тој штетен национален (итарпејовски) менталитет кој го имаме.“
Текст на Благица Сековска, со кој потполно се согласувам.
Главната причина лежи во нашиот егоизам.
Да, да – ние сме еден многу себичен народ, со малку сенс за општото добро. Една
од причините за таквиот врвен егоизам е незнаењето, кое пак се должи на ниското
ниво на почит кон образованието.
Да, нашиот народ многу љуби дипломи, ама
воопшто вистински не го почитува образованието. Се сеќавате ли како бабите во
помалите средини, скоро за секој образован човек, кој отскокнуваше од стандардите на касабата, велеа: „Колку поучен,
толку побудала“. Значи се почитува и е на цена снаодливоста, итарпејовштината,
но не и вистинската едукација, вистинското знаење.
Пример за нашиот однос кон
образованието се и врските кои родителите ги бркаат за оценки, што зазеде
размери на епидемија. Никој не се тепа за знаење, нити еден родител не се кара
со професорите зашто не ги учат децата доволно, нити се караат со своите деца
дека не се трудат доволно... туку сите навалиле да бркаат незаслужени оцени.
Зошто? За да не ми се мачи детето!!!
Значи образованието во
свеста на нашиот народ не е нешто кон кое се тежнее, нешто кое се посакува... туку
тоа е мачење, нужно зло, а дипломата е само форма која треба да се задоволи. Само
да потсетам дека незаслужена оцена спаѓа во лажење и крадење... тоа е примерот
кој им го даваме на нашите деца, тоа е кодот на кој ги воспитуваме: „Снајди се
синко, биди итар, нека ти текне, никој не знае се, бла, бла....“ и оп... ете ти
добар политичар, ама “итар”, демек снаодлив – вистински итар Пејо, вистинскиот
дух на нашиот народ
И после ќе нè водат како што нè водат, ќе имаме власт каква што имаме и ќе се чудиме што нè снашло, ама ни со мал прст нема да мрднеме за да го промениме тој штетен национален (итарпејовски) менталитет кој го имаме.“
Текст на Благица Сековска, со кој потполно се согласувам.
uvae od standardite na kasabata, velea kolku poucen, tolku pobudala. Znaci se pocituva i e na cena snaodlivosta, itarpejovstinata, no ne i vistinskata edukacija, vistinskoto znaenje. Primer za nasiot odnos kon obrazovanieto se i vrskite koi roditelite gi brkaat za ocenki, sto zazede razmeri na epidemija. Nikoj ne se tepa za znaenje, niti eden roditel ne se kara so profesorite zasto ne gi ucat decata dovolno, niti se karaat so svoite deca deka ne se trudat dovolno.....tuku site navalile da brkaat nezasluzeni oceni. Zosto? Za da ne mi se maci deteto!!! Znaci obrazovanieto vo svesta na nasiot narod ne e nesto kon koe se trznee, nesto koe se posakuva...tuku toa e macenje, nuzno zlo, a diplomata e samo forma koja treba da se zadovoli. .....samo da potetam deka nezasluzena ocena spaga vo lazenje i kradenje...toa e primerot koj im go davame na nasite deca, toa e kodot na koj gi vospituvame...snajdi se sinko, bidi itsr, neka ti tekne, nikoj ne znae se, bla, bla..... i op...ete ti dobar politicar, ama "itar", demek snaodliv....vistinski itar pejo, vistinskiot duh na nasiot narod.....i posle ke ne vodat kako sto ne vodat, ke imame vlast kakva sto imame i ke se cudime sto ne snaslo.....ama ni so mal prst nema da mrdneme za da go promenime toj steten nacionalen (itarpejovski) mentalitet koj go imame.
Subscribe to:
Posts (Atom)