Партиите, со своето политиканство не ги оставаат децата детски да си го поминат детството.
Ја сметам за криминална стратегијата на формирање на секакви политички
подмладоци и млади сили, тоа е индоктринација на млада возраст, истото го правеше Комунистичката Партија, врбувајки ги децата и докажувајки им дека има само една вистина и само еден пат.
Демократскиот повеќепартиски систем во којшто живееме се гради врз
плуралност во размислувањето и дејствувањето во рамките на законот. Во
спротивставувањето на идеите и аргументите победуваат подобрите идеи.
Ако немаме спротивставување на идеи, визии и аргументи, ако постои само
една вистина, еден лидер, една партија, тогаш немаме демократија. Значи,
демократијата е поле за политички натпревар помеѓу партиите.
Средношколска унија на Република Македонија би требало да ги решава
проблемите на средношколците во Македонија а не да биде продолжена рака
на некоја политичка партија.
Го потикнувам секој млад човек, да не паѓа под негативното влијание на
политичките партии и да не членува во никакви нивни „подмладоци“ и
„млади сили“, подобро, едуцирајте се и спознавајте го светот и неговите
многу вистини пред да почнете да давате судови за нештата.