Ова многу ме
изненади.
Ги наплаќаат услугите за пристап кон Бога по црквите, не чекаат Бог
да ги вознагради; станаа парољубци:се возат во џипови, си градат луксузни куќи.
Но освен попот на гробишта што ја нудеше раката да му ја бакнат а тој чекаше и
добиваше пари скришно, подрака (од кого ли се крие? Од луѓето? Од Бога) не сум
ги видел свештениците така отворено да „прибираат„ пари, па уште и на аукција.
Оти едно е да ти даваат пари, па ти, после одбивање, вака така да ги земеш; ова
е аукција, а аукција е барење што повеќе пари. Значи, не само што им требаат
пари, туку и им требаат многу пари.
Овие фарисеи би
требало да ги прочитаат повторно пасусите (Марко 14:58 Јован 2:19-21 Матеја
27:50,51; Марко 15:38; Лука 23:45) каде Бог го „разруши„ храмот, за да покаже
дека е важен храмот што го градиш во себе а не некоја ракотворна градба. Или пак, не би им сметало да си прочитаат од својот сајт
http://preminportal.com.mk/content/view/8478/106/ каде пишува:
„Во животот видов дека многумина се токму
такви - само наречени христијани и е навистина зачудувачки, како може живот
втемелен на интереси да се усогласи со зборовите Христови: „Не грижете се што
ќе јадете и што ќе пиете, нити во што ќе се облечете. Погледнете ги птиците
небесни: тие ниту сеат, ниту жнеат, ниту во амбар собираат, но вашиот Отец
небесен ги храни. Погледнете како се облечени полските кринови! Па дури ни
Соломон не се облече така како овие ништожни цветови. И ако полската трева, што
денес ја има, а утре во печка се фрла, Бог така ја облекува, а колку ли повеќе
вас, маловерни!?“Ова се јасни зборови, едноставни, и покажуваат каков е темелот
на Христовото учење„
Епа на кое учење
се потпираат овие материјалисти?
Кому му служат?
На еврото?
А овие па, што
плаќаат такви пари, толку бесрамно покажуваат дека бранат некаква
квазирелигија. Затоа што Христос вели: „што дава десната рака, да не знае левата„,
а овие па - се фалат, се покажуваат со парите што ги грабнале од народот.
