Студентите конечно се освестија, тогаш кога нив ги засегнаа непромислените,
популистички решенија и политики на сегашната Влада.
Да се потсетиме: владејачката гарнитура прво имаше стратегија со која сите
средношколци беа запишувани на факултет. Се отворија „факултети„ во секој град
и во секое село. Во тие „факултети„ се вработија „професори„ - луѓе кои немаат
потенцијал да бидат универзитетски професори, а директно од професори во средно
образование, по партиска директива, се префрлени во високото образование. Освен тоа отворени
се голем број на приватни „универзитети„, кои исто така немаат потенцијал да
организираат високо стручно образование. Со сите тие решенија е снижен
квалитетот на високото образование, се создаваат кадри кои не поседуваат знаења
и способности. Кога конкурираат за вработување, овие „високо образовaни„
кадри се вработуваат преку партиски и роднински врски. Голем дел од
квалитетните високо образовани кадри, со потенцијал да создадат напредок и за
себе и за општеството во коешто живеат остануваат невработени и поради тоа се
приморани своја примена и егзистенција да бараа надвор од Македонија.
Овие погрешни политики на владејачката гарнитура ја уништуваат иднината на
Р. Македонија.
No comments:
Post a Comment