Слушаат сите, имаат уши.
Но, секој го избира делот од дадените препораки, делот што му одговара и
врз него гради свое толкување, свој трактат, кој што често во спротивност со
останатите делови од дадените препораки. Така се гради своја, интерна вистина,
создадена од илузии и манипулации.
Итри, итри Македонци.
Само интриги, завери, местенки и финти, тоа е дефиницијата на македонскиот
политичар.
А што ќе прави простиот народ?
Што може да прави, освен да го повторува тоа што го гледа од „големците„?
„Обичниот„ или „простиот„ македонски човек е ставен во позиција да има
двојна етика и поделени морални „квалитети„. Од една страна, тој, обичниот, им
е сервилен на големците од коишто се поставил во зависништво, а од друга страна
спрема припадниците на својот сталеж, спрема другите „обични„ се однесува со
иста таква нискост и неморал, каква што му се проектира од „големците„, и
нивните меѓусебни односи.
Во Македонија се сè прави на „против„ некого, за да му се наштети,
за да се оцрни, омаловажи и уништи нечиј кредибилитет или личност.
No comments:
Post a Comment