Нека биде јасно дека репутацијата на државата во
очите на светот е на најниско ниво, исто како и довербата на македонските
граѓани во својот политички систем. А и изборите и парламентот во Македонија веќе
не се слободни. Затоа нема потреба да се чека пресудата на судот за случајот
„Пуч„ па да имаме спознание за тоа каква е македонската демократија по четврт
век нејзино одгледување. Македонската демократија имаше тешко рахитично
детство, често беше запоставувана и тешко се развиваше. Но кога одвај се
исправи на несигурни нозе - се појави човек кој ја погази. Тој, силувајќи ја,
го извикува нејзиното име и презиме, кажува дека ја штити и дека таа е
нападната, се колне дека сè би сторил за неа; и не
прашува што би сториле ние на негово место.
Останува дилема дали сето тоа тој го прави со намера или во состојба на привремена или постојана намалена пресметливост.
No comments:
Post a Comment